Christian Berge landsliðsþjálfari Norðmanna í handknattleik karla, valdi í gær þá 15 leikmenn sem hann ætlar að tefla fram í handknattleikskeppni Ólympíuleikanna í Tókýó síðar í þessum mánuði. Norska karlalandsliðið tekur að þessu sinni þátt í Ólympíuleikunum í fyrsta sinn frá árinu 1972.
Af leikmönnunum 15 sem Berge valdi leika tveir sína síðustu leiki á ferlinum á leikunum. Bjarte Myrhol og Magnus Jøndal hafa fyrir nokkru ákveðið að hætta að stunda handknattleik eftir leikana og eru samningslausir.
Annars er ekkert óvænt í hópnum og hann skipaður sömu leikmönnum og Berge tefldi fram á heimsmeistaramótinu í Egyptalandi í upphafi þessa árs.
Fyrsti leikur Norðmanna á leikunum verður gegn landsliði Brasilíu 24. júlí. Brasilíumenn unnu Portúgala í æfingaleik í gær, 34:28.
Eftir það taka við leikir gegn Frakklandi, Þýskalandi, Spáni og Argentínu.
Markverðir:
Torbjørn Bergerud, SG Flensburg-Handewitt.
Kristian Sæverås, FC DHfK Leipzig Handball.
Aðrir leikmenn:
Kristian Bjørnsen, HSG Wetzlar.
Kevin Maagerø Gulliksen, GWD Minden.
Magnus Jøndal, SG Flensburg-Handewitt.
Christian O’Sullivan, SC Magdeburg.
Sander Sagosen, THW Kiel.
Gøran Johannessen, SG Flensburg-Handewitt.
Magnus Fredriksen, HSG Wetzlar.
Harald Reinkind, THW Kiel.
Magnus Abelvik Rød, SG Flensburg-Handewitt.
Kent Robin Tønnesen, Telekom Vezprem.
Bjarte Myrhol, Skjern Håndbold.
Petter Øverby, HC Erlangen.
Magnus Gullerud, SC Magdeburg.
Þessir verða reiðubúnir ef einhver ofangreindra heltist úr lestinni:
Espen Christensen, IFK Kristianstad – markvörður.
Sebastian Barthold, Aalborg Håndbold.
Simen Holand Pettersen, Elverum Håndball.
