Aron Kristjánsson og liðsmenn hans í landsliði Barein leika á morgun úrslitaleik við Argentínu um sæti í milliriðli heimsmeistaramótsins. Sigurliðið fer í milliriðil en tapliðið verður að snúa sér að keppninni um forsetabikarinn, sæti 25 til 32. Ekki er þó hægt að útiloka að jafntefli komi Bareinum áfram í milliriðil.
Barein tapaði fyrir afar öflugu liði Afríkumeistara Egyptalands, 35:24, í Zagreb Arena. Eins og við mátti búast var á brattann að sækja frá byrjun til enda leiks hjá Bareinum sem hafa fremur ungu liði á að skipa um þessar mundir.
Egyptaland og Króatíu hafa unnið tvo fyrstu leiki sína í H-riðli afar örugglega. Króatar lögðu Argentínumenn í gær, 33:18. Eins og handbolti.is sagði frá í gærkvöld meiddist fyrirliði Króata, Domagoj Duvnjak, snemma leiks.
HM “25: Leikjadagskrá, úrslit, staðan
