Norskir handknattleiksunnendur og landsliðsmenn eru ekki með með hýrri há í kvöld eftir að landsliðið tapaði fyrir Portúgal, 31:28, í lokaumferð E-riðils í Bærum í kvöld. Norska liðið skreið engu að síður áfram í milliriðil en hefur leik án stiga og á þar með takmarkaða möguleika á að gera rósir á heimsmeistaramótinu nema að allt gangi upp í þremur leikjum milliriðlakeppninnar. Andstæðingarnir í milliriðli verða nágrannarnir Svíar, Spánverjar og annað hvort Chile eða Japan.
Eftir tap fyrir Brasilíu í fyrstu umferð varð ljóst að norska landsliðið varð að vinna Portúgal í kvöld til þess að fara með eitthvað í pokahorninu áfram. Paulo Pereira og hans liðsmenn í portúgalska landsliðinu voru ekki á því að gefa neitt eftir. Í spennandi leik var portúgalska liðið betra og vann sanngjarnan sigur.
Portúgal fer þar með áfram með fjögur stig, Brasilía eitt og Noregur ekkert.
Noregur vann aðeins bandaríska landsliðið í riðlakeppninni.
