Emma lengir dvölina í Krikanum

Emma Havin Sardarsdóttir hefur framlengt samning sinn við FH og mun spila með liðinu í Grill66 deildinni á næsta tímabili.

Emma gekk til liðs við FH frá Gróttu fyrir síðastliðið tímabil. Hún er örvhentur hornamaður sem spilaði stórt hlutverk í liði FH í Olísdeildinni á nýliðnu keppnistímabili.

„Það er frábært að Emma hafi skrifað undir nýjan samning við okkur FH-inga, það er mjög mikilvægt að hafa reynslumikla leikmenn áfram með okkur næsta vetur.
„Emma er mikil fyrirmynd innan sem utan vallar og mun hjálpa okkur að ná settum markmiðum næsta vetur,” er haft eftir Ásgeiri Jónssyni, formanni handknattleiksdeildar FH í tilkynningu.