Handknattleiksmaðurinn Bjartur Már Guðmundsson hefur gengið til liðs við topplið Grill 66-deildarinnar. Hann kemur til félagsins á lánasamningi út keppnistímabilið frá Fram.
Bjartur Már er 24 ára og getur bæði leikið sem skytta og miðjumaður. Hann var markahæstur í liði Fram2 á síðustu leiktíð þar sem liðið vann Grill 66-deildina. Bjartur Már rennir þar með ekki blint í sjóinn með því að gangi til liðs við Þór.
Bjartur Már er uppalinn í HK og hefur einnig leikið með Víkingi, STÍF í Færeyjum, Roskilde Håndbold í Danmörku og nú síðast með Fram.
Þór er í efsta sæti Grill 66-deildar með 18 stig eftir 10 leiki. Selfoss er einnig með 18 stig en hefur lokið 11 leikjum. Næsti leikur Þórs verður gegn Selfossi í Sethöllinni á næsta laugardag.
Staðan og næstu leikir í Grill 66-deildum.
Oftast lesið síðasta sólarhring:
