Keppni hefst snemma dags á Íslandsmótinu í handknattleik. Klukkan hálf tólf gefa dómararnir Gunnar Óli Gústafsson og Bóas Börkur Bóasson leikmönnum ÍBV og Vals merki um að hefja leik sinn í Olísdeild kvenna. Eftir það rekur hver leikurinn annan. ÍBV og FH mætast í síðasta leik 8-liða úrslita Powerade-bikarsins í karlaflokki klukkan 13.30 í Eyjum, fljótlega eftir að kvennaleikurinn verður leiddur til lykta.
Stórleikur verður í Lambhagahöllinni í Úlfarsárdal klukkan 16.30 þegar liðin í öðru og þriðja sæti Olísdeildar karla, Fram og Afturelding, leiða saman kappa sína.
Einnig verður leikið í Grill 66-deildum karla og kvenna í dag, m.a. mætast tvö efstu lið Grill 66-deildar karla, Þór og Selfoss, í Sethöllinni á Selfossi kl. 14.
– Leikir verða sendir út á Handboltapassanum að viðureign ÍBV og FH undanskilinni sem til stendur að verða varpað í loftið á RÚV.
Leikir dagsins
Olísdeild kvenna:
Vestmannaeyjar: ÍBV – Valur, kl. 11.30.
Staðan og næstu leikir í Olísdeildum.
Olísdeild karla:
Lambhagahöllin: Fram – Afturelding, kl. 16.30.
Poweradebikar karla, 8-liða úrslit:
Vestamannaeyjar: ÍBV – FH, kl. 13.30.
-Afturelding, Fram og Stjarnan eru þegar komin í undanúrslit.
Grill 66-deild karla:
Selfoss – Þór, kl. 14.
Valur2 – Víkingur, kl. 18.45.
Staðan og næstu leikir í Grill 66-deildum.
Grill 66-deild kvenna:
KA-heimilið: KA/Þór – Berserkir, kl. 17.
