Elvar Örn Jónsson og samherjar hans í Skjern tryggðu sér í kvöld sæti í átta liða úrslitum dönsku bikarkeppninnar með því að leggja SönderjyskE, 32:27, á heimavelli síðarnefnda liðsins. Sveinn Jóhannsson skoraði tvö af mörkum heimaliðsins sem tapaði eftir sigur í þremur fyrstu leikjum sínum í úrvalsdeildinni sem vissulega er allt önnur keppni
Elvar Örn skoraði sex mörk í kvöld og var næst markahæstur hjá Skjern sem var með tveggja marka forskot eftir fyrri hálfleik.
Thea Imani Sturludóttir náði ekki að skora þegar lið hennar, Århus United, vann 22:17, á heimavelli. Hún kom ekki mikið við sögu í leiknum og átti til að mynda aðeins eitt markskot. Århus United er í ágætri stöðu í deildinni, situr í sjötta sæti með sjö stig þegar fimm leikjum er lokið.
