Þrír leikir fara fram á Íslandsmótinu í handknattleik karla í kvöld. Í öllu leikjum kvöldsins taka þátt kapplið frá Vestmannaeyjum. Flestra augu munu vafalaust beinast að viðureign Hauka og ÍBV í Olísdeild karla sem fram fer á Ásvöllum. Þetta verður fyrsti leikur félaganna eftir viðureignina í 16-liða úrslitum Poweradebikarnum. Leikurinn sá dró dilk á eftir sér, svo ekki sé fastar að orði kveðið, þannig að grunnt virðist vera á því góða milli félaganna.
Viðureign Gróttu og ÍBV í Olísdeild kvenna, sem fram fer í Hertzhöllinni verður einnig áhugaverð. Liðin eru í tveimur neðstu sætum deildarinnar. Skilja aðeins tvö stig liðin að.
Leikir kvöldsins
Olísdeild karla:
Ásvellir: Haukar – ÍBV, kl. 18.
Staðan og næstu leikir í Olísdeildum.
Olísdeild kvenna:
Hertzhöllin: Grótta – ÍBV, kl. 18.
Grill 66-deild karla:
Ásvellir: Haukar2 – HBH, kl. 20.15.
Staðan og næstu leikir í Grill 66-deildum.
- Allir leikir kvöldsins verða aðgengilegir á Handboltapssanum auk þess sem viðureign Hauka og ÍBV í Olísdeild karla verður sendur út í opinni dagskrá í sjónvarpi Símans.
