Ísak Steinsson, markvörður, og samherjar hans í norska liðinu Drammen féllu í dag úr leik í 16-liða úrslitum í Evrópubikarkeppninni í handknattleik. Drammen tapaði öðru sinni fyrir gríska liðinu Olympiakos, 34:30, í Aþenu. Olympiakos vann einnig fyrri viðureignina sem fram fór á föstudagskvöld, 36:35.
Ísak lék um helming leiksins í marki Drammen og varði fjögur skot, 22%.
Olympiakos var með yfirhöndina í leiknum í dag frá byrjun til enda. Savvas Savvas var markahæstur með níu mörk og Predra Vejin var með átta mörk.
Sondre Ovid Skovli skoraði sjö mörk fyrir Drammen.
Eftirtalin lið eru komin áfram í átta liða úrslit:
Olympiakos, Grikklandi.
AEK Aþena, Grikklandi.
RK Partizan, Serbíu.
Izvidac, Bosnía.
Alkaloid, Norður Maekdóníu.
Runar, Noregi.
Minaur Baia Mare, Rúmeníu.
Haukar.
Dregið verður á þriðjudaginn.
