Danska úrvalsdeildarliðið Ribe-Esbjerg, sem Ágúst Elí Björgvinsson og Elvar Ásgeirsson leika með, hefur verið úrskurðaður ósigur í leiknum við Grindsted sem fram fór í dönsku úrvalsdeildinni á dögunum.
Leiknum lauk með jafntefli, 27:27, en Marc Uhd þjálfara varð á í messunni og tefldi fram leikmanni í leiknum sem af einhverjum ástæðum var ekki var skráður á leikskýrslu.
Tapið verður til þess að Ribe-Esbjerg færist niður um eitt sæti, niður í það næst neðsta með sjö stig þegar sjö umferðir eru eftir. Grindsted er neðst með sex stig í stað fimm eftir málalyktirnar. Kolding tekur 12. sætið með sín átta stig en liðið var áður jafnt Ribe-Esbjerg.
Danska handknattleikssambandið hefur afgreitt málið og úrskurðað Ribe-Esbjerg tap í leiknum auk greiðslu sektar upp á 10.000 danskar króna, jafnvirði ríflega 200.000 íslenskra kr.
Ljóst er að leikmenn Ribe-Esbjerg verða að herða róðurinn á lokaspretti deildarinnar. Neðsta liðið fellur í vor en þau sem hafna í níunda til þrettánda sæti taka þátt í umspili um að forðast að mæta liði úr næst efstu deild í leikjum um sæti í úrvalsdeild á næstu leiktíð.
Uppfært 25. febrúar: Ribe-Esbjerg hefur áfrýjað úrskurðinum.
