„Við vorum bara alveg ógeðslega góðir og jukum forskotið jafnt og þétt,“ sagði glaðbeittur þjálfari Stjörnunnar Hrannar Guðmundsson í samtali við handbolta.is strax eftir sigur Stjörnunnar á ÍBV á Ásvöllum í kvöld í undanúrslitum Poweradebikarsins í handknattleik, 34:29. Stjarnan var með yfirhöndina í leiknum frá byrjun til enda. ÍBV tókst aðeins að jafna metin þegar leið nærri lokum í fyrri hálfleik.
Spurður hvað hafi lagt grunn að sigri Stjörnunnar sagði Hrannar það vera einfalt: „Við lékum frábæra vörn og vorum svo með svör á reiðum höndum við varnarleik ÍBV,“ sagði Hrannar.
Hrannar bætti við að miklu munaði að Stjarnan hafi verið með fullskipað lið, enginn hafi verið á meiðslalistanum. „Þegar við erum með fullan hóp erum við með mjög gott lið. Við vorum ferskir,“ sagði Hrannar og bætti.
„Við rúllum yfir þetta og gáfum ÍBV aldrei möguleika á að koma til baka,“ sagði Hrannar Guðmundsson ennfremur.
Lengra viðtal við Hrannar er í myndskeiði hér fyrir ofan.
Stjarnan leikur í 10. sinn til úrslita
