Fjölnir fagnaði þriðja sigri sínum á leiktíðinni í Grill 66-deild kvenna í gærkvöld þegar liðið vann Hauka2, 28:25, í Fjölnishöllinni. Um var að ræða festaðan leik frá fyrr í vetur. Fjölnir hefur þar með sjö stig eftir 16 leiki í níunda sæti. Tvær umferðir eru eftir í deildinni. Þær verða leiknar 14. og 23. mars. Haukar2. eru áttunda sæti með níu stig.
Fjölnisliðið hóf leikinn af miklum krafti og lagði þar með grunn að sigrinum. Staðan að loknum fyrri hálfleik var 16:8. Haukar sóttu í sig veðrið í síðari hálfleik en munurinn var mikill og leikmenn Fjölnis voru ekki tilbúnir að gefa sinn hlut eftir átaklaust.
Staðan og næstu leikir í Grill 66-deildum.
Mörk Fjölnis: Sólveig Ása Brynjarsdóttir 7, Telma Sól Bogadóttir 7, Emelía Ósk Aðalsteinsdóttir 5, Eyrún Ósk Hjartardóttir 4, Tinna Björg Jóhannsdóttir 3, Karólína Ósk Sigurlaugardóttir 1, Sara Kristín Pedersen 1.
Varin skot: Þyrí Erla Sigurðardóttir 15.
Mörk Hauka2: Ester Amíra Ægisdóttir 7, Rakel Oddný Guðmundsdóttir 5, Rósa Kristín Kemp 4, Þóra Hrafnkelsdóttir 3, Bryndís Pálmadóttir 2, Thelma Melsted Björgvinsdóttir 2, Brynja Eik Steinsdóttir 1, Hekla Katrín Freysdóttir 1.
Varin skot: Elísa Helga Sigurðardóttir 11.
Tölfræði HBritara.
Myndasyrpa frá leiknum:
