Í tilefni að alþjóðlegum baráttudegi kvenna leitaði Handknattleikssamband Evrópu, EHF, til nokkurra karlmanna í handknattleik, innti þá eftir fyrirmyndum meðal kvenfólks í handknattleik. Einn þeirra sem svaraði spurningu EHF er landsliðsmarkvörðurinn og leikmaður Wisla Plock, Viktor Gísli Hallgrímsson. Viktor Gísli nefnir hiklaust Steinunni Björnsdóttur landsliðskonu og fyrrverandi leiðbeinanda sinn hjá Fram.
„Hún leikur sem línumaður og varnarsérfræðingur í uppeldisfélaginu mínu Fram og með íslenska landsliðinu. Hún þjálfaði mig líka í yngri flokkum Fram um tíma og er frábær fyrirmynd fyrir allt íþróttafólk,” svaraði Viktor Gísli.
Fréttavefur RÚV sagði fyrsta frá hér á landi.
They are their ✨ 𝗿𝗼𝗹𝗲 𝗺𝗼𝗱𝗲𝗹𝘀 ✨ and favourite players. And for you, 𝘄𝗵𝗼 𝗶𝘀 𝘆𝗼𝘂𝗿 𝗳𝗮𝘃 𝗽𝗹𝗮𝘆𝗲𝗿? 🤔#ehfcl #CLM #CLW #handball pic.twitter.com/uSnDzoFjUd
— EHF Champions League (@ehfcl) March 10, 2025
