„Þrátt fyrir margar breytingar á hópnum hjá okkur frá HM í janúar þá koma aðrir öflugir menn inn í staðinn. Ég er bæði spenntur og bjartsýnn fyrir þessu verkefni,“ segir hornamaðurinn öflugi, Orri Freyr Þorkelsson, í samtali við handbolti.is um leikinn við Grikki í kvöld í undankeppni EM 2026 í Tasos Kampouris-keppnishöllinni í Chalkida í Grikklandi. Flautað verður til leiks klukkan 19.
„Við lékum tvo vináttuleiki við Grikki fyrir ári síðan. Það voru ágætir leikir. Við tókum andstæðinginn að sjálfsögðu alvarlega og reynum að kalla fram heilsteypta frammistöðu,“ segir Orri Freyr ennfremur.
Lengra viðtal við Orra Frey er í myndskeiði hér fyrir ofan.
Leikur Grikklands og Íslands hefst klukkan 17 að íslenskum tíma í dag. Síðari viðureignin fer fram á laugardaginn í Laugardalshöll og hefst klukkan 16.Miðasala er midix.is.
