Róbert Gunnarsson hefur verið ráðinn aðstoðarþjálfari karlaliðs Vals frá og með næsta keppnistímabili. Róbert verður aðstoðarmaður Ágústs Þórs Jóhannssonar ásamt því að aðstoða og miðla sinni reynslu í kringum yngri leikmenn í U-liði meistaraflokksins. Eins og kom fram á dögunum hættir Róbert þjálfun karlaliðs Gróttu eftir leiktíðina eftir þriggja ára starf.
Róbert er einn reyndasti handknattleiksmaður landsins. Hann lék á sínum tíma í Danmörku, Þýskalandi og Frakklandi. Að auki lék Róbert 276 landsleiki fyrir Ísland og var m.a. í silfurliðinu á Ólympíuleiknum í Bejing 2008 og bronsliðinu á EM 2010.
Eftir að leikmannaferlinum lauk starfaði Róbert sem þjálfari í Árósum. Eftir flutning til Íslands var Róbert um nokkurt skeið þjálfari 21 árs landsliðs karla og var annað þjálfari þess þegar Ísland vann bronsverðlaun á HM 21 árs landsliða á HM 2023.
