Útlit er fyrir að sjálfkjörið verði í embætti formanns og varaformanns á þingi Handknattleikssambands Íslands laugardaginn 5. apríl. Framboðsfrestur er runninn út en hann er 21 sólarhringur fyrir þingdag. Eftir því sem handbolti.is kemst næst verður Jón Halldórsson einn í kjöri til formanns. Sömu sögu er að segja um Ásgeir Jónsson og framboði hans til varaformanns. Enginn hefur í hyggju að leggja stein í götu Ásgeirs fremur en Jóns. Hinsvegar er ekki útilokað að fleiri verði í framboði til stjórnar en kosið verður um sæti þriggja stjórnarmanna auk formanns og varaformanns.
Eins og kom fram fyrir nokkrum vikum ákváðu Guðmundur B. Ólafsson formaður HSÍ til síðustu 12 ára og Reynir Stefánsson varaformaður að gefa ekki kost á sér til endurkjörs til næstu tveggja ára á komandi þingi.
Tímbil þriggja stjórarmanna rennur út
Auk kosninga í embætti formanns og varaformanns rennur kjörtímabil þriggja stjórnarmanna sitt skeið á enda á þinginu; Bjarna Ákasonar sem kom inn til eins árs á síðasta ári, Ingu Lilju Lárusdóttur og Páls Þórólfssonar. Samkvæmt heimildum handbolta.is hafa Bjarni og Inga Lilja í hyggju að gefa kost á sér til endurkjörs til tveggja ára.
Eftir því handbolti.is hefur heimildir þá hefur Páll, sem er formaður landsliðsnefndar karla, ekki í hyggju að gefa kost á sér til endurkjörs í stjórn HSÍ.
Tveir nefndir til sögunnar
Nöfn Ásgeirs Sveinssonar, fyrrverandi formanns meistaraflokksráðs Aftureldingar og bæjarfulltrúa í Mosfellsbæ og Kristins Björgúlfssonar handknattleiksþjálfara hafa verið nefnd í umræðunni undanfarna daga í tengslum til framboð til stjórnar. E.t.v. eru fleiri kallaðir án þess að nöfn þeirra hafi farið hátt.
Nú er lag fyrir vinnufúsar hendur
