Rakel Sara Elvarsdóttir hefur skrifað undir eins árs samning við KA/Þór sem á dögunum endurheimti sæti sitt í Olísdeild kvenna með yfirburðasigri í Grill 66-deildinni. Rakel Sara hefur ekkert leikið með KA/Þór í vetur vegna þess að hún sleit krossband fyrir rúmu ári. Hún stefnir ótrauð á mæta til leiks í fyrsta leik Íslandsmótsins í september.
Rakel Sara er 22 ára gömul og hefur alla tíð leikið með KA/Þór að undanskilinni leiktíðinni 2022/2023 þegar hún var með Volda í Noregi.
Rakel Sara leikur í hægra horni. Hún kom aðeins 15 ára gömul inn í meistaraflokkslið KA/Þórs veturinn 2018-2019 og vakti strax athygli. Hún var valin efnilegasti leikmaður Olísdeildar kvenna veturinn 2020-2021 þegar KA/Þór hampaði öllum titlum tímabilsins.
Rakel Sara hefur leikið níu A-landsleiki og skoraði þeim sex mörk.
