Einar Bragi Aðalsteinsson og liðsfélagar í IFK Kristianstad höfðu betur í grannaslag við HF Karlskrona í sænsku úrvalsdeildinni í handknattleik, 33:23, að viðstöddum 3.606 áhorfendum í Kristianstad Arena í kvöld. Sigurinn gerir að verkum að nú munar þremur stigum á liðunum fyrir síðustu umferðina í þriðja og fjórða sæti deildarinnar, IFK Kristianstad í hag.
Einar Bragi átti aldeilis fínan leik fyrir IFK Kristianstad. Hann skoraði fjögur mörk úr fjórum skotum. Elliot Stenmalm var markahæstur með níu mörk.
Ólafur Andrés Guðmundsson skoraði fjögur mörk úr sjö skotum gegn sínu gamla liði og var markahæstur ásamt Linus Andersson. Dagur Sverrir Kristjánsson skoraði ekki úr eina markskoti sínu. Phil Döhler, markvörður, kom lítið við sögu að þessu sinni. Hann freistaði þess að verja eitt vítakast en allt kom fyrir ekki.
Efsta lið sænsku úrvalsdeildarinnar, Ystads IF, vann IFK Skövde, 33:31.
Staðan í úrvalsdeild karla í Svíþjóð:
