Björgvin Páll Gústavsson landsliðsmarkvörður er í úrvalsliði 3. og 4. leikdags undankeppni Evrópumóts karla í handknattleik. Handknattleikssamband Evrópu valdi hóp átta leikmanna sem þótti skara fram úr í leikjum undankeppninnar í síðustu viku.
Björgvin Páll kom inn í íslenska landsliðið vegna meiðsla Viktors Gísla Hallgrímssonar rétt áður en haldið var til Grikklands í fyrri viðureignina.
Í síðari leik Íslands og Grikklands í Laugardalshöll á laugardaginn fór Björgvin Páll á kostum. Hann var um 50% hlutfallsmarkvörslu þegar upp var staðið. Grikkir fundu ekki leið framhjá honum fyrr en eftir átta mínútur.
Víst er að Björgvin Páll er ekki amalegum hópi leikmanna í úrvalsliðið 3. og 4 leikdags eins og sjá má hér fyrir neðan.
𝗦𝗵𝗶𝗻𝗻𝗶𝗻𝗴 𝗯𝗿𝗶𝗴𝗵𝘁𝗲𝗿 than everyone💫 Meet the 𝗧𝗘𝗔𝗠 𝗢𝗙 𝗧𝗛𝗘 𝗪𝗘𝗘𝗞 for rounds 3⃣ & 4⃣! #ehfeuro2026 #handball #puregreatness pic.twitter.com/pXIcvXoJW6
— EHF EURO (@EHFEURO) March 18, 2025
