- Auglýsing -
Talið er að 32 smit kórónuveiru megi rekja til landsleiks Noregs og Slóveníu í Evrópubikarkeppni kvennalandsliða sem fram fór í Noregi 7. október. Þar af eru tveir leikmenn danska úrvalsdeildarliðsins Herning-Ikast, formaður norska handknattleikssambandsins auk fleiri landsliðsmanna. Alls hafa tíu smit greinst innan norska hópsins, meðal leikmanna og starfsmanna, í framhaldi af viðureigninni.
Norska landsliðskonan Vilde Johansen gat ekki tekið þátt í leik með Herning-Ikast í síðustu viku. Annar leikmaður liðsins Ingvild Bakkerud hefur greinst með veiruna og verður fjarri góðu gamni í kvöld þegar Herning-Ikast mætir København Håndbold í dönsku úrvalsdeildinni. TV2 í Danmörku greinir frá.
- Auglýsing -
