Arnar Gunnarsson og lærisveinar hans í Neista unnu stórsigur á STÍF, 37:26 í öðrum leik liðsins í færeysku úrvalsdeildinni í handknattleik karla í gær en leikið var í Höllinni á Hálsi í Þórshöfn. Neistin hefur þar með fjögur stig eftir tvær umferðir og er í efsta sæti deildarinnar ásamt VÍF í Vestmanna.
Finnur Hansson, aðstoðarþjálfari Neistans, skoraði eitt mark í leiknum. Neistin var með yfirhöndina að loknum fyrri hálfleik, 17:15. Næsti leikur Neistin er við Kyndil eftir viku í Höllinni á Hálsi og verður um að ræða heimaleik Kyndils.
Fleiri Íslendingar fögnuðu sigri í færeysku úrvalsdeildinni í dag því KÍF frá Kollafirði, sem Akureyringurinn Hörður Fannar Sigþórsson leikur með, vann Kyndil, 27:19, á heimavelli. Eftir tvo tapleiki í upphafsleikjunum tókst Herði og félögum loks að vinna í dag. Hörður Fannar skoraði tvisvar sinnum í leiknum.
KIF á ekki leik aftur í deildinni fyrr en 4. október.
