Skara HF, sem Aldís Ásta Heimisdóttir leikur með, leikur í fyrsta sinn í sögu sinni til úrslita um sænska meistaratitilinn í handknattleik. Skara vann Skuru í þremur leikjum í undanúrslitum, í síðasta sinn í gær, 22:18 á heimavelli. Yfirburðir liðsins voru talsverðir í leiknum því stundarfjórðungi fyrir leikslok var forskotið sjö mörk, 21:14.
Skara hefur unnið 19 af síðustu 20 leikjum sínum eftir þjálfaraskipti í desember.
Fyrsti úrslitaleikuinn fer fram þriðjudaginn 6. maí gegn annað hvort IK Sävehof eða H65 Höör. Fyrrnefnda liðið er líklegra því það hefur unnið tvo leiki en Höör einn. Skara er deildarmeistari og hefur þar með heimaleikjarétt í úrsliteinvíginu hver sem mótherjinn verður.
Aldís Ásta skoraði tvö mörk í leiknum í gær og gaf fjórar stoðsendingar. Henni var einu sinni vikið af leikvelli.
Árangur Skara HF síðan að Rasmus Overby tók við þjálfun liðsins í desember hefur verið ævintýri líkast. Síðan hefur Skara unnið 19 af 20 leikjum sem ótrúlegur árangur.
Sjá einnig: Þetta er stórt fyrir Skara – hugur í Aldísi Ástu – úrslitakeppni á næsta leiti
