- Auglýsing -
Áfram mega að hámarki 500 áhorfendur vera á kappleikjum í dönskum handknattleik en vissar væntingar voru gerðar til þess að markið yrði fært ofar frá og með 18. okótber.
Kórónuveiran leikur enn lausum hala í Danmörku eins og víða annars staðar og þótt undanfarna daga hafi sums staðar í landinu ástandið eitthvað skánað þá sáu dönsk sóttvarnayfirvöld ekki ástæðu til að gefa grænt ljóst á fleiri áhorfendur í tilkynningu sem þau sendu frá sér í dag.
Núverandi 500 áhorfenda mark mun því standa að minnsta kosti til næstu mánaðarmóta. Vegna þess hversu dreift áhorfendum er skylt að sitja í handknattleikshöllum Danmerkur þá hafa flest félög aðeins getað selt að hámarki 375 manns aðgang að hverjum leik.
- Auglýsing -
