- Auglýsing -
- Auglýsing -
- Auglýsing -

Áfram heldur Gísli Þorgeir að raka að sér viðurkenningum

Gísli Þorgeir Kristjánsson gerir það svo sannarlega ekki endasleppt. Mynd/Hafliði Breiðfjörð
- Auglýsing -

Gísli Þorgeir Kristjánsson rakaði til sín verðlaunum í kvöld þegar German Handball Awards fyrir árið 2023 voru afhent en vefsíðan handball-world hefur staðið fyrir valinu fáein síðustu ár m.a. með aðstoð lesenda.

Gísli Þorgeir var valinn leikmaður ársins 2023 auk þess að hljóta viðurkenninguna, eftirlæti almennings.

Til viðbótar var lið Gísla Þorgeirs, Evrópumeistarar SC Magdeburg, valið lið ársins. Bennet Wiegert hreppti hnossið í vali á þjálfara ársins en Wiegert er þjálfari SC Magdeburg.

Þýska landsliðskonan Emily Bölk varð fyrir valinu í kjöri á handknattleikskonu ársins 2023.

Að loknu keppnistímabilinu í sumarbyrjun 2023 var Gísli Þorgeir valinn besti leikmaður þýsku 1. deildarinnar og leikmaður tímabilsins hjá félagi sínu. Þess utan átti hann einna stærstan þátt í að Magdeburg varð Evrópumeistari með sigri í Meistaradeild Evrópu. Einnig hreppti Gísli Þorgeir nafnbótina Íþróttamaður ársins 2023 á Íslandi.

Nánar má kynna sér niðurstöður í German Handball Awards 2023 hér.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -