- Auglýsing -
- Auglýsing -
- Auglýsing -

Áfram heldur Selfoss á sigurbraut

Harpa Valey Gylfadóttir, Rakel Guðjónsdóttir, María Guðrún Bergsdóttir, Arna Kristín Einarsdóttir, Katla María Magnúsdóttir, leikmenn Selfoss. Mynd/Eyjólfur Garðarsson
- Auglýsing -

Efsta lið Grill 66-deildar kvenna, Selfoss, heldur áfram sigurgöngu sinni í deildinni í upphafi nýs árs líkt og liðið lauk því síðasta. Í dag lagði Selfoss liðskonur Fjölnis, 36:19, í Sethöllinni á Selfossi í upphafsleik ársins í deildinni. Selfoss var 10 mörkum yfir að loknum fyrri hálfleik, 18:8.


Þeta var níundi sigurleikur Selfossliðsins í deildinni. Hefur það tveggja stiga forskot á Gróttu sem situr í öðru sæti. Auk þess á Selfoss inni einn leik gegn FH sem varð að slá á frest í desember, eins og viðureigninni við Fjölni, vegna þátttöku leikmanna Selfoss með íslenska landsliðinu á heimsmeistaramótinu.

Landsliðskonan Katla María Magnúsdóttir var áberandi í liði Selfoss í dag. Hún skoraði 10 mörk. Hin landsliðskona liðsins, Perla Ruth Albertsdóttir var ekki með að þessu sinni.

Staðan í Grill 66-deild kvenna og næstu leikir.

Mörk Selfoss: Katla María Magnúsdóttir 10, Tinna Sigurrós Traustadóttir 6, Harpa Valey Gylfadóttir 4, Katla Björg Ómarsdóttir 4, Adela Eyrún Jóhannsdóttir 3, Elínborg Katla Þorbjörnsdóttir 3, Hulda Hrönn Bragadóttir 3, Hulda Dís Þrastardóttir 2, Inga Dís Axelsdóttir 1.
Varin skot: Ágústa Tanja Jóhannsdóttir 9, Cornelia Hermansson 5.
Mörk Fjölnis: Telma Sól Bogadóttir 5, Sólveig Ása Brynjarsdóttir 4, Sara Kristín Pedersen 3, Díana Sif Gunnlaugsdóttir 2, Eyrún Ósk Hjartardóttir 2, Elsa Karen Sæmundsen 1, Emelía Ósk Aðalsteinsdóttir 1, Signý Harðardóttir 1.
Varin skot: Oddný Björg Stefánsdóttir 4, Þyrí Erla Sigurðardóttir 3, Harpa Rún Friðriksdóttir 1.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -