Mosfellingurinn Þorsteinn Leó Gunnarsson heldur áfram að hrella markverðina í portúgölsku 1. deildinni í handknattleik. Hann skoraði átta mörk í kvöld og var markahæstur leikmanna Porto þegar þeir sóttu Águas Santas Milaneza heim og unnu með 12 marka mun 36:24.
26 marka sigur
Þetta var sjötti sigur Porto í deildinni sem er í efsta sæti deildarinnar ásamt meisturum Sporting sem léku liðsmenn SC Horta afar grátt í Lissabon í kvöld, 43:17.
Hafnfirðingurinn Orri Freyr Þorkelsson lék á als oddi og skoraði 10 mörk fyrir Sporting. Hann var einnig markahæstur hjá sínu liði. Sporting var 15 mörkum yfir að fyrri hálfleik loknum, 22:7.
10 marka sigur hjá Stiven
Stiven Tobar Valencia skoraði þrjú mörk þegar Benfica sótti heim Póvoa AC og vann með 10 marka mun, 35:25. Benfica færðist upp í fjórða sæti deildarinnar með sigrinum í kvöld.
Stöðuna í portúgölsku 1. deildinni og í fleiri deildum evrópsks handknattleiks er finna hér.
