- Auglýsing -
- Auglýsing -
- Auglýsing -

Afturelding komst yfir á ný – tók völdin í síðari hálfleik

Sigurreifar eftir sigur að Varmá í dag. F.v.: Katrín Helga Davíðsdóttir, Ragnhildur Hjartardóttir og sonurinn Hinrik, Brynja Rögn Fossberg Ragnarsdóttir, Drífa Garðarsdóttir, Hrafnhildur Hólm Guðnadóttir og Anna Katrín Bjarkadóttir. Mynd/Raggi Óla
- Auglýsing -

Afturelding komst á ný yfir í einvígi við Gróttu í umspili Olísdeildar kvenna í handknattleik í dag. Mosfellingar unnu afar öruggan sigur á heimavelli, 30:23, eftir að hafa verið tveimur mörkum yfir í hálfleik, 15:13. Afturelding hefur tvo vinninga en Grótta einn. Vinna þarf þrjá leiki til þess að eiga víst sæti í Olísdeildinni á næsta keppnistímabili.

Fjórði leikur liðanna fer fram í Hertzhöllinni á Seltjarnarnesi miðvikudaginn 1. maí klukkan 16. Nánast ofan í þriðju viðureign Fram og Hauka í undanúrslitum Olísdeildar kvenna sem á að hefjast klukkustund fyrr.

Eftir jafnan fyrri hálfleik tóku leikmenn Aftureldingar öll völd á leikvellinum í síðari hálfleik. Vörnin var góð og markvarslan. Leikmenn Gróttu áttu fá svör og 12 mínútum fyrir leikslok var Afturelding með 10 marka forystu, 27:17. Sigurinn þar með innan seilingar.

Grótta verður að vinna heimaleikinn á miðvikudaginn til að knýja fram oddaleik.

Mörk Aftureldingar: Susan Ines Gamboa 5, Katrín Helga Davíðsdóttir 5, Anna Katrín Bjarkadóttir 5, Sylvía Björt Blöndal 4, Lovísa Líf Helenudóttir 3, Hrafnhildur Hólm Guðnadóttir 2, Ragnhildur Hjartardóttir 2, Saga Sif Gísladóttir 1, Katrín Erla Kjartansdóttir 1, Drífa Garðarsdóttir 1, Fanney Ösp Finnsdóttir 1.
Varin skot: Saga Sif Gísladóttir 14.

Mörk Gróttu: Karlotta Óskarsdóttir 4, Ída Margrét Stefánsdóttir 4, Rut Bernódusdóttir 3, Daðey Ásta Hálfdánsdóttir 3, Ólöf María Stefánsdóttir 3, Lilja Hrund Stefánsdóttir 2, Katrín Anna Ásmundsdóttir 2, Katrín S. Thorsteinsson 1, Sara Björg Davíðsdóttir 1.
Varin skot: Soffía Steingrímsdóttir 13, Anna Karólína Ingadóttir 2.

Umspil Olís kvenna: leikjadagskrá og úrslit

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -