- Auglýsing -
- Auglýsing -
- Auglýsing -

Afturelding krækti í fyrstu stigin – Stjarnan án stiga á botninum

Leikmenn Aftureldingar taka á móti Stjörnunni í dag. Mynd/Hafliði Breiðfjörð
- Auglýsing -

Afturelding sýndi mikinn baráttuvilja gegn Stjörnunni að Varmá í dag í síðasta leik annarrar umferðar Olísdeildar kvenna og uppskar bæði stigin úr viðureigninni, 29:28, eftir að hafa verið marki yfir í hálfleik, 14:13. Stjarnan virtist vera að ná tökum á leiknum þegar kom fram í síðari hálfleik. Aftureldingarliðið neitaði hinsvegar að gefa sinn hlut eftir baráttulaust.


Frábær varnarleikur á síðustu 10 mínútum færði Aftureldingarliðinu hraðaupphlaup sem skiluðu mörkum og forystu. Stjarnan gaf eftir og varð að játa sig sigraða að þessu sinni.

Afturelding hefur þar með krækt í tvö stig en Stjarnan er á botninum ásamt KA/Þór án stiga eftir tvær fyrstu umferðirnar.
Stjörnuliðið hóf leikinn betur og var með forystuna framan af. Framliggjandi 5/1 vörn Aftureldingar riðlaði leik Garðabæjarliðsins þegar á leið fyrri hálfleik. Afturelding skoraði fjögur mörk í röð og komst tveimur mörkum yfir, 11:9, og hélt naumri forystu til hálfleiks.

Stjarnan kom Mosfellingum í opna skjöldu í upphafi síðari hálfleiks með framliggjandi vörn. Forystan í leiknum skipti um hendur. Leikmenn Aftureldingar voru á því að láta gestina fara með stigin átakalaust og þegar Aftureldingu tókst að jafna, 25:25, þegar sex mínútur voru eftir var engu líkara en Stjörnuliðið missti vonina. Sóknarleikurinn var í handaskolum. Afturelding komst tveimur mörkum yfir og hélt forskoti til leiksloka með mikilli ákveðni.

Mörk Aftureldingar: Hildur Lilja Jónsdóttir 8/1, Sylvía Björt Blöndal 7, Ragnhildur Hjartardóttir 5, Anna Katrín Bjarkadóttir 3, Lovísa Líf Helenudóttir 2, Hrafnhildur Hólm Guðnadóttir 2, Susan Ines Gamboa 1, Stefanía Ósk Engilbertsdóttir 1.
Varin skot: Saga Sif Gísladóttir 6/1, 18%.

Mörk Stjörnunnar: Embla Steindórsdóttir 9/3, Helena Rut Örvarsdóttir 7, Anna Karen Hansdóttir 4, Vigdís Arna Hjartardóttir 3, Eva Björk Davíðsdóttir 3/1, Stefanía Theodórsdóttir 1, Guðmunda Auður Guðjónsdóttir 1.
Varin skot: Elísabet Millý Elíasardótti 3, 12% – Sigrún Ásta Möller 1, 16,7%.

Leikjadagskrá og staðan í Olísdeildum.

Handbolti.is. fylgdist með leiknum í textalýsingu hér fyrir neðan.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -