Afturelding og FH færðust upp fyrir Fram

Afturelding og FH færðust upp fyrir Fram í annað og þriðja sæti Olísdeildar karla í handknattleik í kvöld með sigrum á andstæðingum sínum í lokaleikjunum tveimur í 10. umferð. Afturelding vann öruggan sigur á Selfossi, 38:31, á Varmá. FH hafði betur í hörkuleik á móti í ÍR í Kaplakrika.

Afturelding og FH hafa 14 stig hvort lið og eru fjórum stigum á eftir Val. Fram, sem lengi, hefur vermt annað sæti er fallið niður í það fjórða með stigin sín 13.

Kukobat fór á kostum

Selfoss byrjað vel í Mosfellsbæ í kvöld og var með yfirhöndina framan af. Eftir að Jovan Kukobat tók að verja allt hvað af tók í marki Aftureldingar snerist leikurinn við. Afturelding komst tveimur mörkum yfir, 8:6, eftir stundarfjórðung og aftur 11:8.

Selfoss tókst að jafna, 13:13 þegar rúmar fjórar mínútur voru til leiksloka. Fjögur síðustu mörkin í hálfleiknum voru heimamanna sem voru fjórum mörkum yfir í hálfleik, 17:13.

Í síðari hálfleik var einstefna af hálfu Aftureldingar. Kukobat varði vel í markinu meðan áfram stóð ekki steinn yfir steini í vörn og markvörslu Selfossliðsins. Afturelding náði mest 10 marka forskoti og spennan var engin.

Þetta var þriðja tap Selfossliðsins í röð í Olísdeildinni.

ÍR stóð lengi í FH

ÍR-ingar veittu FH-ingum hörkukeppni nánast til enda í Kaplakrika. Heimamenn voru marki yfir í hálfleik, 18:17. Lengst af í síðari hálfleik var leikurin nánast í járnum. Tíu mínútum fyrir leikslok var staðan jöfn, 27:27. FH-liðið var ívíð sterkara á endarsprettinum og fagnaði þriggja marka sigri.

Arnar Freyr Guðmundsson, ÍR-ingur, átti enn einn stórleikinn á tímabilinu. Hann skorað 11 mörk í kvöld er þriðji markahæsti leikmaður deildarinnar með 67 mörk.

FH – ÍR 33:30 (18:17).
Mörk FH: Birgir Már Birgisson 7, Ásbjörn Friðriksson 7/5, Einar Bragi Aðalsteinsson 6, Jakob Martin Ásgeirsson 4, Veigar Snær Sigurðsson 2, Leonharð Þorgeir Harðarson 2, Einar Örn Sindrason 2, Jón Bjarni Ólafsson 2, Jóhannes Berg Andrason 1.
Varin skot: Phil Döhler 13/1, 30,4%.
Mörk ÍR: Arnar Freyr Guðmundsson 11/3, Viktor Sigurðsson 7, Friðrik Hólm Jónsson 4, Dagur Sverrir Kristjánsson 3, Sveinn Brynjar Agnarsson 3, Úlfur Gunnar Kjartansson 2.
Varin skot: Ólafur Rafn Gíslason 7, 12,9% – Rökkvi Pacheco Steinunnarson 2, 20%.

Afturelding – Selfoss 38:31 (17:13).
Mörk Aftureldingar: Þorsteinn Leó Gunnarsson 9, Blær Hinriksson 7, Einar Ingi Hrafnsson 6, Árni Bragi Eyjólfsson 3, Gestur Ólafur Ingvarsson 3, Úlfar Páll Monsi Þórðarson 3, Birkir Benediktsson 2, Ágúst Björgvinsson 2, Pétur Júnísson 2, Stefán Scheving Guðmundsson 1.
Varin skot: Jovan Kukobat 16, Brynjar Vignir Sigurjónsson 2.
Mörk Selfoss: Einar Sverrisson 9, Guðmundur Hólmar Helgason 7, Guðjón Baldur Ómarsson 4, Elvar Elí Hallgrímsson 2, Ísak Gústafsson 2, Atli Ævar Ingólfsson 2, Hannes Höskuldsson 2, Sigurður Snær Sigurjónsson 1, Tryggvi Sigurberg Traustason 1, Sölvi Svavarsson 1.
Varin skot: Vilius Rasimas 4, Jón Þórarinn Þorsteinsson 1.

Staðan í Olísdeild karla: