- Auglýsing -
- Auglýsing -
- Auglýsing -

Ágúst Elí og Elvar eru nærri sæti í undanúrslitum

Elvar Ásgeirsson leikmaður Ribe-Esbjerg. Ljósmynd/Hafliði Breiðfjörð
- Auglýsing -

Íslendingaliðið Ribe-Esbjerg á ennþá von um sæti í undanúrslitum um danska meistaratitilinn í handknattleik eftir að liðið náði jafntefli við Aalborg Håndbold, 32:32, í næst síðustu umferð riðils eitt í átta liða úrslitum í dag. Ribe-Esbjerg hefur þar með fimm stig í öðru sæti riðilsins. Aalborg hefur fyrir löngu tryggt sér efsta sætið og þar með sæti í undanúrslitum.

Síðasta umferð í báðum riðlum fer fram um næstu helgi. Ribe-Esbjerg mætir þá Mors-Thy á heimavelli og þarf a.m.k. annað stigið úr leiknum til að ná öðru sæti riðilsins og þar með sæti í undanúrslitum og leik við liðið sem hafnar í efsta sæti í hinum riðlinum. Sem stendur er GOG í efsta sæti þess riðils.

Ágúst Elí Björgvinsson varði átta skot, 25%, þann tíma sem hann stóð í marki Ribe-Esbjerg í leiknum í Álaborg í dag. Elvar Ásgeirsson skoraði eitt mark en gaf átta stoðsendingar. Þá mun hann einnig hafa átta afbragsleik í vörninni. Mathias Jörgensen fór á kostum í sókninni og skoraði 12 mörk.

Lukas Nilsson var markahæstur hjá Aalborg með sjö mörk. Mikkel Hansen var næstur með fimm mörk.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -