- Auglýsing -
Ágúst Elí Björgvinsson lék afar vel í kveðjuleik sínum með danska úrvalsdeildarliðinu KIF Kolding í dag þegar það gerði jafntefli, 35:35, að viðstöddum 2.265 áhorfendum Sydbank Arena í Kolding. Ágúst Elí var í marki liðsins nær allan leikinn og varð 11 skot, 32%, auk þess sem hann skoraði tvö mörk.
Kolding var öruggt um að halda sæti sínu í deildinni hvernig sem leiknum lyktaði. Holstebro tekur þátt í umspilsleikjum um sæti í úrvalsdeildinni á næstu leiktíð. Andstæðingur Holstebro verður lið HØJ frá Ølstykke á Sjálandi.
Ágúst Elí færir sig um set á Jótlandi í sumar og gengur til liðs við Ribe-Esbjerg en þangað kemur ennfremur Elvar Ásgeirsson frá Nancy í Frakklandi.
- Auglýsing -
