Alexander verður áfram á Selfossi næstu tvö ár

Markmaðurinn Alexander Hrafnkelsson hefur framlengt samning sinn við handknattleiksdeild Selfoss til ársins 2027.

Alexander er reynslumikill markmaður og hefur verið hluti af meistaraflokk karla síðan árið 2017 og var m.a. í Íslandsmeistaraliði Selfoss vorið 2019. Hann á yfir 170 leiki og hefur skorað í þeim 25 mörk.

„Handknattleiksdeildin er gríðarlega ánægð með að Alexander haldi áfram með ungu og spennandi liði í Grill66 deild karla í vetur,“ segir í tilkynningu frá handknattleiksdeild Selfoss í dag.

Selfoss er í harðri toppbaráttu í Grill 66-deild karla. Hlé er á keppni í deildinni framundir mánaðarlok.

Staðan í Grill 66-deildum.