FH tekur á móti KA í Olísdeild karla í handknattleik í kvöld í Kaplakrika klukkan 19.30. FH situr í fimmta sæti með átta stig eftir sex leiki og er aðeins stigi á eftir Aftureldingu sem situr í toppsætinu. KA er í áttunda sæti með fjögur stig að loknum fimm leikjum.
Leikur FH og KA verður í beinni útsendingu á FH-TV eins og allir leikir meistaraflokks karla og kvenna síðustu tvö keppninstímabil, segir í tilkynningu frá handknattleiksdeild FH sem barst til handbolta.is.
Þar segir ennfremur: „Núna á tímum áhorfendabanns er rukkað fyrir aðgang að leiknum en meðlimir Stuðningsmannaklúbbsins Muggs fá frían aðgang að öllum streymdum leikjum.“
Hlekkur á streymi.
Hér fyrir neðan er ennfremur hægt að hlýða á skilaboð frá Sigursteini Arndal þjálfara karlaliðs FH, til stuðningsmanna FH-liðsins. Þar segir Sigursteinn m.a. að eftirvænting ríki á meðal FH-inga að eiga við sinn gamla félaga, Ólaf Gústafsson, sem ólst upp hjá FH og lék með Hafnarfjarðarliðinu um árabil.
