- Auglýsing -
- Auglýsing -
- Auglýsing -

Andersson er mættur á ný – Þorsteinn Leó leikur undir stjórn Svíans

Magnus Andersson hefur tekið við þjálfun FC Porto á nýjan leik. Ljósmynd/EPA
- Auglýsing -

Þorsteinn Leó Gunnarsson mun leika undir stjórn sænska þjálfarans Magnus Andersson hjá FC Porto í Portúgal á næsta keppnistímabili. Andersson, sem var leikmaður hins sigursæla sænska landsliðs á tíunda áratug síðustu aldar og lék alls 307 landsleiki, var í gær ráðinn þjálfari Porto á nýjan leik. Hann var áður þjálfari liðsins frá 2018 til 2023 með afar góðum árangri. Þorsteinn Leó kemur til FC Porto í sumar frá Aftureldingu.

Portúgalska handboltagoðsögnin Carlos Resende hætti þjálfun FC Porto eftir tveggja ára starf í lok leiktíðar. Honum tókst ekki að stýra liðin til sigurs, hvorki í deildinni né í bikarkeppninni en Sporting með Orra Frey Þorkelsson hafði yfirburði. Til viðbótar átti Porto erfitt uppdráttar í Meistaradeild Evrópu. Þótti þar með tilvalið að sækja Andersson sem hefur notið lífsins undanfarin tvö ár undan kastljóss handboltans.

Til stóð að Andersson tæki við þjálfun franska liðsins PAUC í sumar en vegna ríks áhuga forráðamanna Porto tókst Andersson að ganga út úr samningnum í Frakklandi og semja við gamla félaga í Porto. Undir stjórn Andersson varð FC Porto meistari 2019, 2021, 2022 og 2023 og bikarmeistari 2019 og 2021 fyrir utan að komast í þrígang í fyrstu umferð útsláttarkeppni Meistaradeildar Evrópu.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -