- Auglýsing -

Annar Íslendingur komst áfram

Það var glatt á hjalla hjá Elvari Erni Jónssyni og samherjum í Skjern eftir sigurinn í átta liða úrslitum bikarkeppninnar í kvöld. Mynd/Skjern håndbold

Elvar Örn Jónsson og samherjar í Skjern voru ekki í nokkrum vandræðum með að tryggja sér sæti í undanúrslitum dönsku bikarkeppninnar í kvöld. Þeir gjörsigruðu Skanderborg með 13 marka mun á heimavelli, 38:25, eftir stórkostlegan fyrri hálfleik. Að honum loknum var forystan átta mörk, 22:14.

Þar með eru GOG og Skjern komin í undanúrslit dönsku bikarkeppninnar. Átta liða úrslitum lýkur annað kvöld og þá verða fleiri Íslendingar á ferðinni. Óðinn Þór Ríkharðsson og samherjar í Holstebro sækja Mors heim og Arnór Atlason og leikmenn Aalborg Håndbold taka á móti Bjerringbro/Silkeborg.

Mörk Skjern Håndbold : Anders Eggert 10, Jonas Tidemand 7, Eivind Tangen 4, Elvar Örn Jónsson 4, Rene Rasmussen 3, Jonathan Stenbäcken 3, Jesper Konradsson 2, Oliver Juhl 2, Jakob Rasmussen 1, Jonathan Würtz 1, Oliver Norlyk 1.

Mörk Skanderborg Håndbold : Morten Christensen 6, Hakun West Teigum 5, Lars Skaarup 4, Thomas Arnoldsen 3, Nikolaj Nielsen 2, Cornelius Kragh 1, Mathias Botsch 1, Kristian Bonefeld 1, Magnus Jensen 1, Mads Kalstrup 1.

- Auglýsing -
- Auglýsing -

Nýjustu fréttir

- Auglýsing -