Íslenska landsliðið í handknattleik kvenna mætir B-landsliði Noregs öðru sinni í vináttulandsleik á Ásvöllum í dag. Til stendur að flauta til leiks klukkan 16. Eins og áður þá býður Klettur landsmönnum á leikinn. Tilvalið er að nýta tækifærið og mæta á Ásvelli og styðja hressilega við bakið á íslenska landsliðinu til annars sigurs á norska liðinu. Góð mæting var á leikinn á fimmtudaginn og rétt að gera enn betur á því sviði í dag.
Ísland vann fyrri viðureignina á fimmtudagskvöldið, 31:26, eftir að hafa verið yfir, 15:14, að loknum fyrri hálfleik.
Leikirnir tveir við Noreg og æfingar undanfarinnar viku eru liður í undirbúningi íslenska landsliðsins fyrir umspilsleiki við Ungverja um sæti á HM sem fram fara 8. og 12. apríl.
Niðurstaða þeirra leikja ræður því hvort landsliðið tekur þátt í HM sem fram fer í Danmörku, Noregi og Svíþjóð í desember.
Ungverjar töpuðu í gær fyrir Þjóðverjum í Ludwigsburg í Þýskalandi, 26:20, og mæta Pólverjum í dag.
Eftirtaldar skipa íslenska landsliðið í dag:
Markverðir:
Elín Jóna Þorsteinsdóttir, Ringkøbing Håndbold (40/1).
Hafdís Renötudóttir, Fram (401/2).
Margrét Einarsdóttir, Haukum (0/0).
Aðrir leikmenn:
Andrea Jacobsen, EH Aalborg (36/55).
Elín Klara Þorkelsdóttir, Haukum (5/5).
Hildigunnur Einarsdóttir, Val (91/101).
Jóhanna Margrét Sigurðardóttir, Skara HF (5/7).
Katla María Magnúsdóttir, Selfossi (0/0).
Katrín Tinna Jensdóttir, Volda (8/2).
Lena Margrét Valdimarsdóttir, Stjörnunni (5/3).
Lilja Ágústsdóttir, Val (5/1).
Hrafnhildur Hanna Þrastardóttir, ÍBV (38/72).
Perla Ruth Albertsdóttir, Fram (29/42).
Rut Arnfjörð Jónsdóttir, KA/Þór (113/243).
Sandra Erlingsdóttir, TuS Metzingen (17/70).
Steinunn Björnsdóttir, Fram (43/48).
Sunna Jónsdóttir, ÍBV (72/55).
Thea Imani Sturludóttir, Val (59/100).
Þórey Anna Ásgeirsdóttir, Val (29/15).
Þórey Rósa Stefánsdóttir, Fram (118/345).
