- Auglýsing -
- Auglýsing -
- Auglýsing -
- Auglýsing -

Annar sigur í dag en minni munur

Mynd/Hafliði Breiðfjörð
- Auglýsing -

Eftir níu marka sigur í gær í fyrri vináttuleiknum við færeyska landsliðið þá vann íslenska landsliðið, skipað stúlkum 16 ára og yngri, eins marks sigur í dag, 25:24, í síðari viðureigninni sem fram fór í íþróttahúsinu í Safamýri. Leikirnir eru liður í undirbúningi beggja landsliða fyrir Opna Evrópumótið sem haldið verður um næstu mánaðamót í Gautaborg.

Færeyska landsliðið var sterkara í fyrri hálfleik og var með þriggja marka forskot að honum loknum, 13:10. Íslenska liðinu tókst að snúa við blaðinu í síðari hálfleik, komast yfir og ná fjögurra marka forystu, 24:20, þegar skammt var til leiksloka.

Færeyingar náðu áhlaupi undir lokin og saumuðu að íslenska liðinu sem náði að hanga á forskotinu og vinna með minnsta mun.

Mörk Íslands: Ebba Guðríður Ægisdóttir 5, Tinna Ósk Gunnarsdóttir 4, Laufey Helga Óskarsdóttir 4, Agnes Lilja Styrmisdóttir 3, Hrafnhildur Markúsdóttir 3, Eva Steinsen Jónsdóttir 3, Hafdís Helga Pálsdóttir 1, Dagný Þorgilsdóttir 1, Guðrún Antonía Jóhannsdóttir 1.
Varin skot: Danijela Sara Björnsdóttir 6, Arna Sif Jónsdóttir 5.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -