Anton Gylfi og Jónas eru komnir til Parísar

Handknattleiksdómararnir Anton Gylfi Pálsson og Jónas Elíasson dæma leik PSG og Wisla Plock í fyrstu umferð útsláttarkeppni Meistaradeildar Evrópu í handknattleik. Leikurinn fer fram í París annað kvöld og hefst klukkan 18.45.

Um er að ræða síðari leik liðanna í fyrstu umferð útsláttarkeppninnar. PSG vann fyrri viðureignina sem fram fór í Plock í síðustu viku, 30:26. Samanlagður sigurvegari leikjanna tveggja fer í átta liða úrslit.

Nokkuð er síðan þeir félagar dæmdu síðast í Meistaradeildinni. Anton Gylfi og Jónas eru mættir til Parísarog bíða þess að mega flauta til leiks.