Anton íþróttamaður Vals – Ásdís og Benedikt efnilegust

Handknattleiksmaðurinn Anton Rúnarsson var í gær valinn íþróttamaður Vals fyrir árið 2020. Árni Pétur Jónsson, formaður aðalstjórnar, sagði þegar valið var kynnt að full samstaða hafi ríkt innan nefndar innan félagsins um valið á Antoni sem um árabil hefur leikið stórt hlutverk í liði meistaraflokks karla auk þess að þjálfa yngri flokka.

Þetta var í 29. sinn sem Valur útnefnir íþróttamann ársins. Fimmtán karlmenn og fjórtán konur hafa hreppt hnossið.

Við athöfnina í gær, sem streymt var á netinu og horfa má á með því að smella á hlekkinn hér fyrir neðan, voru einnig afhentar viðurkenningar til efnilegs íþróttafólks félagsins og til sjálfboðaliða.

Benedikt Gunnar Óskarsson og Ásdís Þóra Ágústsdóttir voru valin efnilegust hjá handknattleiksdeild.

Sjálfboðaliði ársins hjá handknattleiksdeild er Sigurður Ásbjörnsson.