Áfram halda nýliðar Amo að vinna sína leiki í sænsku úrvalsdeildinni í handknattleik. Á sama tíma þá leikur Arnar Birkir Hálfdánsson við hvern sinn fingur með liðinu en hann gekk til liðs við það í sumar.
Arnar Birkir var markahæstur í kvöld með sjö mörk þegar Amo heimsótti IF Hallby og vann með tveggja marka mun, 32:30. Hallby var þremur mörkum yfir eftir hraðann fyrri hálfleik, 20:17.
Tvö lið með fullt hús stiga
Amo HK er í efsta sæti sænsku úrvalsdeildarinnar ásamt Hammarby þegar flest lið deildarinnar hafa leikið fjórum sinnum. Liðin tvö hafa unnið sér inn átta stig. Sävehof hefur sex stig eftir fjóra leiki. Meistarar Kristianstad hafa aðeins krækt í þrjú stig enn sem komið er í fjórum leikjum. Kristianstad náði aðeins jafntefli við Önnereds á heimavelli í kvöld, 27:27.
Staðan á einni síðu
Hægt að kynna sér stöðuna í mörgum deildum evrópska handknattleiksins á sérstakri stöðusíðu sem sett hefur verið upp undir flipanum staða og leikir og m.a. má nálgast hér.
Amo upp i ledning i Handbollsligan efter en hel makalös vändning borta mot Hallby där vi vänder underläge med som mest 5-0 och 7-1 till tvåmålsseger. Hallby – Amo 30-32 (20-17). #viäralstermoare #amo #alstermo #amohandboll #handbollsligan #handboll #håndbold #håndball #handball pic.twitter.com/0UQ4U63J7c
— Amo Handboll (@amo_handboll) October 2, 2023
