- Auglýsing -

Arnór Þór á meðal þeirra bestu

Arnór Þór Gunnarsson leikmaður Bergsicher HC. Mynd/Bergischer HC

Arnór Þór Gunnarsson hornamaður Bergischer HC og íslenska landsliðsins var valinn í úrvalslið 26. umferðar í þýsku 1. deildinni í handknattleik en umferðinni lauk um helgina. Þetta er í fyrsta skiptið á leiktíðinni sem Arnór Þór er í liði umferðinnar en greint er frá valinu á heimasíðu deildarinnar og á samfélagsmiðlum.


Arnór Þór lék afbragðsvel þegar Bergischer HC sótti meistarana í THW Kiel heim á síðasta fimmtudag. Hann var markahæsti leikmaður vallarins ásamt Svíanum Niclas Ekberg hjá Kiel. Arnór Þór skoraði átta mörk, þar af fjögur úr vítaköstum, og brást ekki bogalistin í einu skoti.


Því miður þá dugði það ekki til sigurs en Bergischer-menn, með Arnór Þór í broddi fylkingar, náðu að velgja leikmönnum Kiel undir uggum lengst af þótt þremur mörkum hafi munað þegar flautað var til leiksloka, 33:30.
Bergischer HC situr í áttunda sæti af 20 liðum í deildinni með 24 stig.

- Auglýsing -
- Auglýsing -

Nýjustu fréttir

- Auglýsing -