- Auglýsing -
- Auglýsing -
- Auglýsing -
- Auglýsing -

Arnór Þór og Pütz taka við þjálfun Bergischer HC

Arnór Þór Gunnarsson tekur tímabundið við þjálfun Bergischer HC. Mynd/Ívar
- Auglýsing -

Arnór Þór Gunnarsson og Markus Pütz munu stýra þýska 1. deildarliðinu Bergischer HC út keppnistímabilið eftir að Jamal Naji þjálfara og hans helsta aðstoðarmanni Peer Pütz var vikið frá störfum í dag. Bergischer HC hefur verið í frjálsu falli í deildinni síðustu vikur og mánuði og tapað 12 leikjum í röð. Aleiðingin er sú að liðið er í næst neðsta sæti deildarinnar og fall blasir við sem stendur.

Arnór Þór lagði skóna á hilluna fyrir ári eftir að hafa leikið í 11 ár með Bergischer HC. Síðan hefur hann verið í þjálfarateymi liðsins en að mestu verið ábyrgur fyrir yngri liðum félagsins. Fabian Gutbrod, sem hætti um leið og Arnór Þór fyrir ári og tók við starfi íþróttastjóra, verður Arnóri Þór og Pütz innan handar.

Jamal Naji tók við þjálfun Bergischer HC sumarið 2022 eftir að hafa gert það gott með Tusem Essen. Áður hafði Sebastian Hinze þjálfað liðið í áratug við afar góðar orðstír. Hinze flutti sig um set yfir til Rhein-Neckar Löwen.

Nýr þjálfari verður ráðinn til félagsins á næstu vikum og mun hann taka til starfa í sumar.

Sex umferðir eru eftir af þýsku 1. deildinni.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -