- Auglýsing -
Aron Pálmarsson verður ekki með danska meistaraliðinu Aalborg Håndbold í kvöld þegar liðið tekur á móti Þýskalandsmeisturum THW Kiel á heimavelli í Meistaradeild Evrópu. Eftir því sem fram kemur á heimasíðu Álaborgarliðsins þá fékk Aron höfuðhögg í viðureign Aalborg og Ribe-Esbjerg á síðasta laugardag. Þar af leiðandi mun hann að minnsta kosti sitja yfir í leiknum í kvöld.
Fleiri leikmenn Aalborg verða fjarri góðu gamni vegna meiðsla. Auk Arons er um að ræða René Antonsen, sænska línumanninn Jesper Nielsen og Sebastian Henneberg sem er tæpur eftir að hafa meiðst á æfingu í gær.
Anton Gylfi Pálsson og Jónas Elíasson dæma leikinn sem hefst í Gigantium íþróttahöllinni í Álaborg kl. 17.45.
- Auglýsing -
