- Auglýsing -

Aron í kjöri á liði ársins

Aron Pálmarsson. Mynd/Barcelona

Aron Pálmarsson er einn fimm leikmanna í sinni stöðu sem valið stendur á milli í kjöri á úrvalsliði leikmanna ársins í spænska handknattleiknum. Kjörið stendur nú öllum opið á netinu.


Aron er í stöðu vinstri skyttu og er hægt að velja á milli hans og fjögurra annarra leikmanna sem eru: Antonio García, Fraikin BM. Granollers, David Estepa, Ángel Ximénez Puente Genil, Juan del Arco, Helvetia Anaitasuna og Thiago Ponciano, Incarlopsa Cuenca.


Alls er valið á milli manna í tíu flokkum, markvörður, vinstra og hægra horn, vinstri og hægri skyttu, miðjumaður, línumaður, varnarmaður, mestu framfarir og þjálfari ársins. Barcelona á fulltrúa í öllum flokknum nema í vinstra horni og þar sem kosið er á milli þeirra sem tekið hafa mestum framförum.

Eins og komið hefur fram áður gengur Aron til liðs við dönsku meistarana Aalborg Håndbold í sumar.

- Auglýsing -
- Auglýsing -

Nýjustu fréttir

- Auglýsing -