- Auglýsing -
Handknattleikskonan Ásdís Þóra Ágústsdóttir hefur ákveðið að snúa heim til Vals á ný eftir rúmlega árslanga lánsdvöl hjá Lugi í Svíþjóð. Ásdís samdi við Lugi fyrir tveimur árum en varð fyrir því óláni að slíta krossband stuttu seinna í kappleik með Val.
Ásdís Þór sinnti endurhæfingunni sinni úti og var komin í leikmannahópinn undir lok síðasta tímabils. Engu að síður hefur hún tekið þá ákvörðun að kveðja Lund, flytja heim, leita í heimahagana á Hlíðarenda og taka upp þráðinn með fyrri samherjum.
„Ásdís er bæði óvænt en um leið góð viðbót við okkar leikmannahóp. Hún þarf tíma til að koma sér aftur almennilega til baka inn á völlinn eftir meiðslin og þann tíma fær hún hjá okkur,“ sagði Ágúst Jóhannsson þjálfari bikarmeistara Vals í tilkynningu sem félagið sendi frá sér fyrir stundu.
Helstu breytingar á milli leiktíða hjá Val: Hrafnhildur Anna Þorleifsdóttir frá FH til Vals. Lilja Ágústsdóttir frá Lugi til Vals. Sara Dögg Hjaltadóttir frá Gjerpen HK Skien til Vals. Ásdís Þóra Ágústsdóttir frá Lugi til Vals. Saga Sif Gísladóttir í fæðingarorlofi. Lovísa Thompson frá Val til Ringkøbing Håndbold. Ída Margrét Stefánsdóttir frá Val til Gróttu (lán í eitt ár). Signý Pála Pálsdóttir frá Val til Gróttu (lán í eitt ár). Ragnheiður Sveinsdóttir frá Val til Hauka. Arna Sif Pálsdóttir frá Val til Fram. Hulda Dís Þrastardóttir frá Val til Selfoss.
- Auglýsing -
