- Auglýsing -
Ágústa Þóra Ágústsdóttir hefur verið lánuð til nýliða Selfoss frá Val og verður gjaldgeng með Selfossliðinu á morgun þegar það sækir HK heim í Kórinn í 1. umferð Olísdeildarinnar. Ásdís Þóra hefur síðustu daga æft með Selfossliðinu og líkað vel. Félagaskipti hennar hafa verið staðfest á vef HSÍ.
Um verulegan búhnykk er að ræða fyrir nýliða Selfoss þar sem Ásdís Þóra hefur talsverða reynslu úr Olísdeildinni enda var hún í stóru hlutverki hjá Val áður en hún fór til Lugi í Svíþjóð sumarið 2021.
Ásdís Þóra sleit krossband vorið 2021 og hefur síðustu mánuði unnið hörðum höndum við að komast í fyrri leikæfingu. Þess vegna flutti hún m.a. heim til Íslands á nýjan leik í sumar eftir ársdvöl í Lundi hjá Lugi. Víst er að hjá Selfossi fær Ásdís Þóra talsverðan leiktíma sem er nokkuð sem hún þarf á að halda til að ná fyrri styrk.
Eftir því sem næst verður komist er lánasamningur Vals og Selfoss út leiktíðina næsta vor. Þó munu vera fyrir hendi möguleiki hjá Val að kalla Ásdísi Þóru til baka. Slík ákvæði eru algeng í lánasamningum um leikmenn.
handbolti.is nýtur ekki opinbers rekstrarstuðnings.
- Auglýsing -
