- Auglýsing -
- Auglýsing -
- Auglýsing -
- Auglýsing -

Atli Steinn úrskurðaður í tveggja leikja bann

spjald - spjöld
- Auglýsing -

Atli Steinn Arnarson leikmaður HK í Olísdeild karla tekur út tveggja leikja keppnisbann þegar flautað verður til leiks í deildinni í byrjun febrúar. Hann var í dag úrskurðaður í tveggja leikja bann á framhaldsfundi aganefndar HSÍ. Atli Steinn var útilokaður vegna sérstaklega hættulegrar aðgerðar, að mati dómara, í leik HK og Gróttu á síðasta fimmtudag.


Aganefnd tók málið fyrir á fundi sínum í gær en frestaði ákvörðun um sólarhring meðan beðið var greinargerðar frá HK vegna málsins. Sú greinargerð barst fyrir fund aganefndar í dag.

„Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í tveggja leikja bann,“ segir í úrskurði aganefndar í dag.

Tveir fyrstu leikir HK í febrúar, sem Atli Steinn missir af, verða við KA 1. febrúar og gegn Aftureldingu 9. febrúar.

Eyjamaður fer einnig í bann

Andri Kristinsson leikmaður ÍBV U var í gær úrskurðaður í eins leiks bann vegna mjög grófrar ódrengilegrar hegðunar í leik Víðis og ÍBV U í 2.deild karla þann 18.12.2023, eftir því sem fram kemur í fundargerð aganefndar.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -