Haukur Þrastarson og félagar í Industria Kielce unnu stórsigur á MMTS Kwidzyn í fyrstu viðureign liðanna í átta liða úrslitum úrslitakeppni pólsku úrvalsdeildarinnar í handknattleik í dag, 43:28. Leikurinn fór fram á heimavelli MMTS Kwidzyn. Staðan í hálfleik var 23:12 Kielce í vil. Segja má að liðið eigi greiða leið í undanúrslit.
Haukur skoraði tvö mörk í leiknum. Alex Dujshebaev var markahæstur hjá Kielce með átta mörk. Dylan Nahi var næstur með sjö mörk. Álaginu var dreif mjög mikið á milli leikmanna enda lék Kielce í Meistaradeildinni fyrr í vikunni.
Næsti leikur liðanna verður í Kielce eftir viku. Vinna þarf tvo leiki til þess að komast í átta liða úrslit.
MMTS Kwidzyn hafnaði í áttunda sæti pólsku úrvalsdeildarinnar. Industria Kielce varð deildarmeistari hefur ásamt Wisla Plock haft talsverða yfirburði í deildinni.
