Axel Stefánsson hættir störfum hjá norska úrvalsdeildarliðinu Storhamar í lok leiktíðar í vor. Hann hefur verið annar þjálfara kvennaliðs félagsins frá sumrinu 2021. Storhamar er annað besta lið Noregs á eftir Evrópumeisturum Vipers.
Eftir því sem fram kemur í tilkynningu félagsins ætlar Axel að einbeita sér að kennslu í háskóla í Elverum sem hann sinnir þegar samhliða þjálfuninni hjá Storhamar. Einnig hefur Axel í hyggju að taka að sér verkefni fyrir EHF, Handknattleikssamband Evrópu, sem hann hefur ekki getað sinnt samhliða þjálfarastarfinu hjá Storhamar.
Storhamar er í öðru sæti norsku úrvalsdeildarinnar um þessar mundir auk þess að vera með í Evrópudeildinni. Leiktíðina 2022/2023 lék Storhamar í Meistaradeild Evrópu.
Axel þjálfari kvennalandslið Íslands frá 2015 til 2018. Hann hefur búið í Noregi um langt árabil og þjálfað félagslið, jafnt í karla- sem kvennaflokki. Um skeið þjálfaði Axel yngri landslið Noregs og létti undir með Þórir Hergeirssyni landsliðsþjálfara kvenna.
