Hafist verður handa klukkan 9 við að draga í riðla Evrópudeildar karla í handknattleik í höfuðstöðvum Handknattleikssambands Evrópu í Vínarborg. FH er öruggt um sæti í deildinni auk þess sem ekki er hægt að útloka þátttöku Vals sem fer í forkeppni í byrjun september gegn RK Bjelin Spacva Vinkovci frá Króatíu.
Dregið verður í átta fjögurra liða riðla. FH verður í öðrum styrkleikaflokki. Valur/RK Bjelin Spacva Vinkovci í fjórða. Riðlakeppni 32-liða úrslita hefst 8. október og lýkur 25. nóvember.
Hér fyrir neðan er hægt að fylgjast með streymi frá drættinum.